HASIERA ETA AMAIERAKO EKITALDIAK

Ekintza berezi guztiek behar dute hasiera eta amaiera paregabe bat. Gure aurtengo Zientzia Astea horren apartekoa izanda, asko mimatu nahi izan genituen irekiera eta itxiera ekitaldiak.

Irekiera leloaren aurkezpenarekin egin genuen: GALDETU, IKERTU, IKASI: ZIENTZIA BIZI! izan zen aukeratu genuen leloa, Zientzia Astearen arima gertutik harrapatzen duelako. Ez da kasualitatea hau 30 letraz osatutakoa izatea, izan ere, horrela eskolako gela bakoitzak leloaren letra bat apaindu zuen material berrerabilgarriak erabiliz. 

Hau egin ondoren, eskolako hiru ikaslek Zientziaren Asteko pregoia egin zuten eta Astrodautxu estratosferatik jaitsi zitzaigun, eta txalo zaparradaren ondoren musika eta arteko irakasleek prestatutako ikuskizun musikal bat antzeztu zuen hainbat irakaslez eta ikaslez osaturiko talde batek. 

Itxiera ere musika ikuskizun batekin abiatu zen, “Interstellar” pelikulako soinu banda original hunkigarria bozgorailuetatik jarri eta ikasle talde batek mosaiko dantza bat egin zuten. Jarraian ARISS proiektuaren logoa eta leloaren bi irabazleak aurkeztu ziren, 5. mailako bi ikasle, eta diploma bana banatu zitzaien. Aste borobil bati amaiera emateko, beste behin, kantuan egin genuen.