BERRIAK
INDAUTXUTIK EUROPARA ETWINNING PLATAFORMAREN BIDEZ
Etwining web.mp4Maiatzean zehar 6. mailako ikasleok proiektu bat egin dugu elkarrekin Poloniako ikastetxe batekin. Proiektu hau Europako hainbat herrialdetako ikastetxeen arteko lankidetza sustatzen duen E-twinning plataformaren barruan kokatzen da.
Oraingoan, "British festivals" gaia aukeratu dugu, eta bi ikastetxeetako ikasleek taldean lan egin dute, aurkezpen bat eta galdera batzuk eginez gainerako taldeentzat.
Ekainaren 7an, ostirala, topaketa bat izan genuen beraiekin. Bertan, beren lanak aurkeztu zituzten eta galderei erantzun zieten hainbat plataforma digital erabiliz. (CANVA, KAHOOT, BLOOKET...)
Esperientzia oso positiboa eta oso aberasgarria izan da, bai irakasleen aldetik, bai inplikatutako ikasleen aldetik; izan ere, konpromiso handiz lan egin dute, eta honelako proiektuetan lan egiteko interesa eta emozioa helarazi digute.
During the last weeks the students of 6th grade have worked on a joint project with a school from Poland. It's been an exciting experience where participants from both schools have shown great commitment, creativity and developed teamwork, language and digital skills.
ELIKAGAIEN BANKUTIK JASOTAKO ESKER ONA
INDAUTXUKO ESKOLAri eskerrak eman nahi dizkiogu 2024ko MARTXOAN egindako bilketagatik. Horri esker, behar handiko 545 Kg elikagai jaso ditugu.
Zuen elkartearen eta parekoak diren elkarteen lankidetzari esker, Elikagai Bankuak 2023erako finkatutako helburuak beteko ditu. Horrez gain, Bizkaiko 157 zentruetan doako 4.336 tona banatzen dira, beren ardurapean premian dauden 24.869 pertsona dituztelarik, haien artean 5.700 ume.
Arakatu espazioa Indautxuko Eskolatik: ARISS proiektua
Abentura espaziala Indautxuko Eskolara iritsi da! Ezagutu nola konektatzen garen kosmosarekin ARISS proiektu zirraragarrian.
Gure ikasleek Nazioarteko Espazio Estazioan egongo den astronauta batekin zuzenean hitz egiteko aukera izango dute, eta beraiek sortutako galderak planteatuko dizkiote. Ezohiko ekitaldi hau urte amaierarako programatuta dago hau da, 2024-2025 ikasturtearen 1. hiruhilekoan. Bitartean, hamaika aukerako unibertsoa arakatuko dugu inspiratzeko, ikasteko eta elkarrekin hazteko, diseinatutako STEAM jardueren bidez. Egin bat gurekin eta izan zaitez esperientzia paregabe honen parte!
Gure ARISS proiektuari buruzko berritasun, programatutako jarduerak eta xehetasun guztien berri izateko, ESTEKA HAU bisitatzera gonbidatzen zaitugu.